यस पाठका मुख्य शब्द तल दिइएका छन्। हरेक शब्दको अर्थ पढ्दा त्यो कसरी बन्छ भन्ने कुरामा ध्यान दिनुहोस्।
| शब्द | अर्थ |
|---|---|
| धरातल | पृथ्वीको बाहिरी सतह, जसमा पानी र जमिन दुवै भाग पर्छन् |
| महासागर | पानीको मुख्य र सबैभन्दा ठुलो भाग |
| महाद्विप | जमिनको ठुलो भाग |
| पहाड | पृथ्वीको सतहमा माथि उठेको अग्लो जमिनको स्वरूप |
| मोडदार पहाड | ढिक्का सर्दा जमिन च्यापिएर माथि उठेर बनेको, शृङ्खलाबद्ध फैलिएको पहाड |
| ढिक्के पहाड | जमिनको ढिक्का माथि उठ्दा वा छेउछाउ भासिँदा बनेको, चुचुरो नपरेको पहाड |
| ज्वालामुखी पहाड | विस्फोटनबाट निस्केका लाभा र खरानी थुप्रिएर सेलाएपछि बनेको पहाड |
| अवशिष्ट पहाड | नरम भाग खिइएपछि कडा भाग मात्र बाँकी रहेर बनेको होचो पहाड |
| ढिक्का | पृथ्वीको बाहिरी पत्रमा रहेका ठुला ठुला टुक्रा, जुन बिस्तारै सरिरहन्छन् |
| लाभा | ज्वालामुखी विस्फोट हुँदा भित्रबाट बाहिर निस्केको पग्लिएको तातो पदार्थ |
| क्रेटर | लाभा निस्किन छोडेपछि ज्वालामुखी पहाडको टुप्पामा बाँकी रहने खाल्डो |
| पठार | वरपरभन्दा अग्लो तर माथि फराकिलो समतल भएको भूभाग, अर्थात् उच्च समस्थली |
| मैदान | अग्लो होचो नभएको समथर जमिन, प्रायः मलिलो माटाले बनेको |
| बेँसी | नदीले बगाएर ल्याएका पदार्थ थुप्रिएर बनेको, नदी छेउको होचो मलिलो भाग |
| उपत्यका | चारैतिर अग्लो भूभागले घेरिएको बिचको फराकिलो र होचो समतल भाग |
| जलमण्डल | पृथ्वीको धरातलमा रहेको पानीको भाग |
| खाडी | जमिनभित्रसम्म पसेको सागरको भाग |
| खोँच | दुई अग्ला भूभागबिचको साँघुरो र गहिरो भाग |
| निर्माण प्रक्रिया | कुनै भूस्वरूप कुन तरिकाले बन्यो भन्ने क्रम |
यहाँ अरू १ खण्ड छन् - सबै पढ्न लगइन गर्नुहोस्।