घटनाकेउरेनी गाउँका धेरै मानिसहरू एक हप्ताअघिदेखि रुघाखोकी र ज्वरोले बिरामी परेका थिए। उनीहरूमध्ये केही त धेरै सिकिस्त भई अस्पतालसमेत भर्ना भएका थिए। कुनै एउटा अनलाइन खबरले त्यही कुरालाई नबुझी गाउँका धेरैमा कोभिडको सङ्क्रमण रहेको र धेरै मानिसहरू यसबाट प्रभावित भएको समाचार सार्वजनिक गर्यो। यसले गर्दा गाउँ र वरपरका मानिसहरू आत्तिए। झन् कोभिड नै भएको भन्दै मानिसहरू हल्ला गर्न थाले। मानिसहरू भेट्न जान र सहयोग गर्न जान छोडे। सँगै रहेका गाउँका मानिसहरू पनि गाउँघरको अवस्था बुझ्न पनि जान छाडे। गाउँको अवस्था अझ विकराल भयो। पल्लो गाउँका मानिस त्यस गाउँमा आउन जान बन्द गरे। अरू पनि नजानका लागि आउजाउ रोके। गैरी गाउँका मानिसहरू एकातिर डरत्रासमा थिए र अनलाइनको गलत सूचनाले गर्दा गाउँमा डर चिन्ता तथा द्वन्द्वको स्थिति सिर्जना भयो। केही समयपश्चात् यस्ता गलत सूचना दिने सञ्चारका माध्यमलाई कारबाहीको प्रक्रिया अघि बढाइयो।
प्रश्नहरू(क) गाउँमा द्वन्द्व किन सिर्जना भयो? (ख) द्वन्द्वले गाउँमा कस्तो असर पार्यो? (ग) गलत सूचना वा समाचार पनि द्वन्द्वको कारण बन्न सक्छ भन्ने कुरालाई माथिको घटनाले कसरी पुष्टि गरेको छ? (घ) तपाईंको समुदायमा कस्ता कस्ता द्वन्द्वका घटना भएका थिए? तिनको सूची बनाई कुनै एक घटना कसरी समाधान गरियो, उल्लेख गर्नुहोस्। (ङ) समाजमा द्वन्द्व उत्पन्न हुन नदिन सञ्चार माध्यमको भूमिका उल्लेख गर्नुहोस्।
🔐
यो क्रियाकलाप १ (जम्मा ६) को झलक हो - पूरै हेर्न लगइन गर्नुहोस्।