कक्षा १० सामाजिक | वित्तीय शिक्षा

वित्तीय शिक्षाका मुख्य शब्दहरू

वित्त: धनमाल, सम्पत्ति वा जायजेथा
मुद्रा: पैसा, नोट र सिक्का
बचत: खर्च गरेर बाँकी राखिएको वा जोगाइएको रकम
निक्षेप: बैङ्क वा वित्तीय संस्थामा जम्मा गरिएको रकम
कर्जा: ऋण
साँवा: ऋणमा लिएको मूल रकम
ब्याज: ऋणको रकम प्रयोग गरेबापत तिर्नुपर्ने थप रकम
किस्ता: ऋण थोरै थोरै गरी तिर्ने हरेक पटकको रकम
धितो: ऋण लिँदा जमानतका रूपमा राखिने जग्गा, सुन चाँदी जस्ता सम्पत्ति
हर्जाना: समयमा नतिरेबापत लाग्ने थप दण्ड रकम
लिलामी: बढी रकम दिनेलाई सम्पत्ति बेच्ने काम
कालोसूची: ऋण नतिर्नेहरूको नाम राखिने सूची
विप्रेषण: विदेशमा काम गर्नेले स्वदेश पठाएको रकम
सटही: एक देशको मुद्रा अर्को देशको मुद्रासँग साट्ने काम
ऋणपत्र: सरकार वा संस्थाले ऋण लिएबापत जारी गर्ने कागज
विवेकशील: सोचविचार गरेर काम गर्ने
मितव्ययी: नचाहिँदो खर्च नगर्ने, किफायती
एकाधिकार: कुनै काम गर्ने अधिकार एउटालाई मात्र हुनु