प्रस्तोता नोट: स्लाइड देखाउनुअघि एउटा प्रश्न सोध्नुहोस्, जसको जवाफ प्रायः गलत आउँछ। भन्नुहोस्, नेपालको हावापानी कस्तो छ भनी कसैले सोध्यो भने तपाईं एक वाक्यमा के भन्नुहुन्छ? कक्षाबाट जवाफ लिनुहोस्। कोही गर्मी भन्छन्, कोही जाडो भन्छन्, कोही ठिक्कको भन्छन्। सबै जवाफ पाटीमा लेख्नुहोस्। अनि भन्नुहोस्, अचम्म कुरा के भने यी तीनै जवाफ ठिक हुन्, र तीनै अधुरा पनि हुन्। आज हामी नेपालको एउटा मात्र हावापानी किन छैन भन्ने कुरा हेर्नेछौँ। यही जिज्ञासा लिएर सुरु गर्नुहोस्।