यस पाठका शब्द कानुनी हुन्। तीमध्ये कति दैनिक बोलीचालीमा फराकिलो अर्थमा प्रयोग हुन्छन्, त्यसैले यहाँ दिइएको ठिक अर्थ हेर्नुहोस्।
| शब्द | अर्थ |
|---|---|
| मानव अधिकार | मानव भएकै कारण सबैले समान रूपमा पाउने जन्मसिद्ध अधिकार |
| मौलिक हक | कुनै देशका नागरिकका लागि त्यस देशको कानुनले तोकेको अधिकार |
| जन्मसिद्ध | जन्मँदै प्राप्त हुने, कसैले दिनु नपर्ने |
| आधारभूत अधिकार | बाँच्नका लागि नै चाहिने न्यूनतम अधिकार |
| विश्वव्यापी | पूरै संसारमा लागु हुने |
| घोषणा पत्र | सार्वजनिक रूपमा जारी गरिएको लिखित प्रतिबद्धता |
| संयुक्त राष्ट्र सङ्घ | विश्वका देशहरू मिलेर बनाएको अन्तर्राष्ट्रिय सङ्गठन |
| हनन | अधिकार खोसिनु वा नष्ट गरिनु |
| उल्लङ्घन | नियम वा अधिकार मिच्नु |
| अमानवीय | मानिसले गर्न नहुने खालको, निर्दयी |
| जघन्य अपराध | अत्यन्तै गम्भीर मानिने अपराध |
| वञ्चित | पाउनुपर्ने कुराबाट टाढा राखिएको |
| छुवाछुत | जातका आधारमा छुन नहुने भनी गरिने भेदभाव, जुन कानुनले वर्जित छ |
| पीडित | अन्याय वा हानि भोग्नुपरेको व्यक्ति |
| उजुरी | अन्यायविरुद्ध सम्बन्धित निकायमा दिइने लिखित गुनासो |
| स्वायत्त निकाय | आफ्नै निर्णयले चल्न पाउने, अरूको इसारामा नचल्ने संस्था |
| सिफारिस | कुनै काम गर्न भनी सम्बन्धित निकायलाई गरिने लिखित अनुरोध |
| कारबाही | कानुनबमोजिम गरिने कार्यवाही |
| प्रत्याभूति | पक्का हुने गरी दिइने सुनिश्चितता |
| गोपनियता | आफ्नो निजी कुरा गोप्य राख्न पाउने अवस्था |
| ज्याला | कामको बदलामा पाइने पारिश्रमिक |
| ज्येष्ठ नागरिक | निश्चित उमेर नाघेका वृद्ध नागरिक |
| आकर्षित हुनु | लागु हुनु, त्यससम्बन्धी कानुन क्रियाशील हुनु |
यहाँ अरू १ खण्ड छन् - सबै पढ्न लगइन गर्नुहोस्।