परिकल्पना प्रस्तुतीकरण

प्रस्तोता नोट: कक्षा एउटा कामबाट सुरु गर्नुहोस्। सबैलाई कापीमा दुई मिनेटमा आफ्नो गाउँ वा टोलको एउटा सानो चित्र कोर्न भन्नुहोस्, तर आजको होइन, दस वर्षपछिको। दुई मिनेट मात्र दिनुहोस्। अनि दुई तिन जनालाई देखाउन लगाउनुहोस् र सोध्नुहोस्, तिमीले जे कोर्‍यौ त्यो साँच्चै हुन सक्छ? यही प्रश्नमा पूरै पाठ अडेको छ। भन्नुहोस्, आजको कथाकी रजनीले पनि ठ्याक्कै यही काम गरेकी छिन्। यसरी सुरु गर्दा विद्यार्थी कथाभित्र आफैँ भएको अनुभव गर्छन्। कापी नफ्याँक्न भन्नुहोस्, पाठको अन्त्यमा फेरि चाहिन्छ।