यस पाठका शब्द किनबेच, कानुन र गुणस्तरसँग जोडिएका छन्। यीमध्ये धेरै शब्द प्याकेटमै लेखिएका हुन्छन्, त्यसैले घरमा एउटा प्याकेट लिएर मिलाएर हेर्नुहोस्।
| शब्द | अर्थ |
|---|---|
| उपभोक्ता | उपयोग्य वस्तु वा सेवा प्रयोग गर्ने व्यक्ति, समूह वा संस्था |
| उपयोग्य वस्तु | स्वास्थ्यलाई हानि वा नकारात्मक प्रभाव नगर्ने उपभोग गरिने वस्तु |
| उपभोग | वस्तु वा सेवा प्रयोगमा ल्याउने काम |
| सम्मिश्रण | वस्तु बनाउँदा मिसाइएका पदार्थको संयोजन |
| शुद्धता | वस्तुमा अनावश्यक कुरा नमिसिएको अवस्था |
| गुणस्तर | वस्तु वा सेवाको तोकिएको स्तर |
| गुणस्तरहीन | तोकिएको स्तर नपुगेको |
| प्रतिकूल असर | हानि पुर्याउने वा उल्टो असर |
| उत्पादन मिति | वस्तु बनेको मिति |
| उपभोग्य मिति | वस्तु कहिलेसम्म प्रयोग गर्न मिल्छ भन्ने मिति |
| ब्याच नम्बर | एउटै पटकमा बनेका वस्तुको समूह छुट्याउने अङ्क |
| लेबल | वस्तुको विवरण लेखिएको टाँसो वा छापिएको भाग |
| पुनः लेबलिङ | पुरानो विवरण हटाई नयाँ लेबल टाँस्ने काम |
| केरमेट | लेखिएको कुरा केरेर बदल्ने काम |
| अधिकतम खुद्रा मूल्य | खुद्रा बिक्रीमा लिन पाइने सबैभन्दा बढी मूल्य |
| मूल्यसूची | बिक्री हुने वस्तुको मूल्य लेखिएको सूची |
| भण्डार विधि | वस्तु कसरी र कहाँ राख्ने भन्ने तरिका |
| सञ्चय | जम्मा गरेर राख्ने काम |
| ह्रास | घट्ने वा बिग्रने अवस्था |
| प्रतिस्पर्धा | धेरै बिक्रेताबिच हुने होडबाजी |
| छनोट | धेरैमध्येबाट आफूलाई मन परेको रोज्ने काम |
| क्षतिपूर्ति | भएको नोक्सानीबापत पाइने रकम वा सुविधा |
| उजुरी | समस्या वा गुनासो लिखित रूपमा सम्बन्धित निकायमा दिने काम |
| मौलिक हक | संविधानले नै प्रदान गरेको र सर्वोच्च तहमा सुरक्षित हक |
| ऐन | व्यवस्थापिकाले बनाएको कानुन |
| अनुबन्ध | पक्षहरूबिच भएको लिखित सम्झौता |
| नागरिक समाज | सरकारबाहिरका सचेत नागरिक तथा संस्थाको समूह |
| अधिकारकर्मी | अधिकारका पक्षमा काम गर्ने व्यक्ति |
| समन्वयकारी | आपसमा मिलेर काम गर्ने |
| अनुगमन | काम ठिक भइरहेको छ कि छैन नियमित हेर्ने प्रक्रिया |